როგორ გააუმჯობესა SMART Demand Forecast-ის იმპლემენტაციამ McDonald’s Georgia-ის მოთხოვნის პროგნოზირების სიზუსტე

McDonald’s Georgia 25 წელია ინარჩუნებს მომსახურების მაღალ ხარისხს და მომხმარებელთა კმაყოფილებას, რამაც მნიშვნელოვანი წვლილი შეიტანა მსოფლიოში ერთ-ერთი უდიდესი და ყველაზე ცნობილი სწრაფი კვების ქსელის რეპუტაციაში. მომავლის ინიციატივის გამოყენებით, რომელიც მიზნად ისახავს უახლესი ტექნოლოგიების დანერგვით მომხმარებელთა გამოცდილების გაუმჯობესებას, McDonald’s Georgia ხარისხიან სერვისს უზრუნველყოფს. შესაბამისად, სტუმრებს ყოველთვის აქვთ დაბრუნების სურვილი, რათა კიდევ ერთხელ დარწმუნდნენ სლოგანის სიზუსტეში – “აი, რა მიყვარს”! ციფრული დეშბორდები პროდუქტებით და შეთავაზებებით, თვითმომსახურების ტერმინალები და თანამედროვე მობილური აპლიკაცია – 1999 წელს თბილისში პირველი რესტორნის გახსნის შემდეგ ბევრი რამ შეიცვალა. ამავდროულად, McDonald’s Georgia-მ მოახერხა ფუნდამენტური ღირებულებების შენარჩუნება და მას საკუთარი იდენტობა შესძინა. სწორედ ცნობილი ქართული სტუმართმოყვარეობა ხდის გამორჩეულს ამ ქსელს თავის სეგმენტში.

კომპანია აგრძელებს მომსახურების გაუმჯობესების ახალი მეთოდების დანერგვას. McDonald’s Georgia-თვის მნიშვნელოვანი ნაბიჯი იყო SMART Demand Forecast-ის იმპლემენტაცია. ეს კომპლექსური ინსტრუმენტი მიზნად ისახავს მოთხოვნის პროგნოზირების სიზუსტის გაზრდას ინოვაციური ტექნოლოგიების გამოყენებით, რომელიც დაფუძნებულია მანქანური სწავლების ალგორითმებსა და ხელოვნურ ინტელექტზე. ეს გადაწყვეტილება კომპანია SMART business-ის დეველოპმენტია, რომელიც უკვე 15 წელია, რაც ხელს უწყობს ციფრული ბიზნესის ტრანსფორმაციას 60-ზე მეტ ქვეყანაში. წარმატების ახალ ისტორიაში McDonald’s Georgia-თან ერთად ვისაუბრებთ გამოწვევებზე, პროცესსა და გადაწყვეტილების დანერგვის უპირატესობებზე.

იმპლემენტაციის პარტნიორის ძებნის წინაპირობები და მოთხოვნის პროგნოზირება SMART Demand Forecast-ის ინტეგრაციამდე

McDonald’s Georgia-ში მოთხოვნის პროგნოზირების ახალი გადაწყვეტილების დანერგვის აუცილებლობა რამდენიმე მიზეზით იყო გამოწვეული. მაგრამ სანამ მათზე ვისაუბრებთ, სიტუაციაში უკეთ გასარკვევად, გაიხსენეთ, რამდენად ხალხმრავალია მაკდონალდსის ერთი რესტორანი კონკრეტულ დღეს და რამდენად თავისუფალია მეორე, რომელიც ფაქტობრივად ერთი კორპუსის მოშორებით მდებარეობს. ამავდროულად, სხვა დღეებში სიტუაცია შეიძლება საპირისპიროც იყოს. ვიზიტორებისთვის ეს მხოლოდ რამდენიმე დამატებითი წუთის საქმეა, რადგან მაკდონალდსის დაწესებულებები ცნობილია სწრაფი მომსახურებით პიკის დროსაც კი. მიუხედავად ამისა, რესტორნის თვალსაზრისით, მოთხოვნის ასეთმა რყევებმა უფრო სერიოზული გამოწვევების წინაშეც შესაძლოა დაგაყენოთ. McDonald’s Georgia-ს გუნდმა მოგვცა საშუალება გვენახა მათი პროგნოზირების „შიდა სამზარეულო“ და გაგვიზიარა, SMART Demand Forecast-ის იმპლემენტაციამდე, ორგანიზებული პროცესი – თუ რატომ გაჩნდა ძველი მიდგომის შეცვლის საჭიროება.

კომპანიას მოთხოვნის პროგნოზირების პროცესი, მთლიანი ქსელის მასშტაბით, საკმაოდ საფუძვლიანად ჰქონდა ინტეგრირებული. ამ მიდგომით კი, McDonald’s Georgia-ს რომელიმე კონკრეტული რესტორნისთვის ყველა საჭირო ფაქტორის გათვალისწინება რთულ ამოცანას წარმოადგენდა. არასაკმარისი დეტალების რაოდენობამ განაპირობა გუნდის დატვირთვის ზრდა, რათა მყისიერი რეაგირება მოეხდინათ პროდუქტების კომპონენტების დეფიციტსა და სიჭარბეზე. გარდა ამისა, ამას მოჰყვა არაპროგნოზირებადი ლოჯისტიკური ხარჯები და სირთულეები მარაგის მართვის მიმართულებით. აქვე დავამატოთ პიკის საათები, მასობრივი ღონისძიებები ქალაქში და მათთან საცალო ვაჭრობის ობიექტების სიახლოვე, ასევე სხვადასხვა სარეკლამო ფაქტორები. შედეგად, არაპროგნოზირებადი გაზრდილი მოთხოვნის გამო, ზოგიერთი რესტორანი იძულებული გახდა დაემატებინა პერსონალი, ხოლო სხვა ობიექტებზე, პირიქით, აღინიშნებოდა პერსონალის სიჭარბე. ზემოაღნიშნული ფაქტორები გახდა გადაწყვეტილების მიღების მიზეზი, ეფექტური პროგნოზების გაკეთება არა ერთდროულად მთელი ქსელისთვის, არამედ თითოეული რესტორნისთვის.

McDonald’s Georgia-ს ასევე სურდა პროგნოზის ინტერვალების შემცირება. SMART business-თან თანამშრომლობამდე გაკეთდა პროგნოზები მომდევნო 3 თვის განმავლობაში ყოველი თვის დონეზე აგრეგაციით. ასეთი ფართო საპროგნოზო ინტერვალი არ ითვალისწინებდა მოთხოვნის უფრო მოკლევადიან ცვლილებებს, როგორიცაა სეზონური მოთხოვნა, ადგილობრივი მოვლენები ან ცვლილებები კონკურენტულ გარემოში.

კომპანიის წარმომადგენლებმა აღნიშნეს, რომ ვინაიდან პროგნოზის სიზუსტის მაჩვენებელი მთელ ქსელზე იყო გათვლილი, ეს არ ასახავდა რეალურ სიტუაციას ცალკეული რესტორნებისთვის. დავუშვათ, რომ ზაფხულში McDonald’s Georgia მთელს ქსელში ცივი სასმელებზე მოთხოვნა 20%-ით იზრდება. ეს პროგნოზი ეფუძნება ბოლო რამდენიმე წლის ისტორიულ მონაცემებს და ზოგად ტენდენციებს. ზღვისპირა ქალაქ ბათუმში მდებარე რესტორანში პროგნოზი გამართლებულია ტურისტებისა და დამსვენებლების სიმრავლით, რომლებსაც ცხელ დღეებში გაგრილება სურთ. მაგრამ თბილისის ცენტრალურ რაიონებში, განსაკუთრებით საოფისე ცენტრებთან ახლოს, ცივ სასმელებზე მოთხოვნა შეიძლება მხოლოდ 10%-ით გაიზარდოს, რადგან ვიზიტორთა უმეტესობას ყავა ურჩევნია. შესაბამისად, თბილისში ცივი სასმელების მარაგი სიჭარებით გამოირჩევა.

რა მოთხოვნები ჰქონდა კომპანიას ახალი პროგნოზირების სისტემასთან და რატომ აირჩიეს SMART business-ის გადაწყვეტილება

McDonald’s Georgia-ს ჰქონდა რამდენიმე ძირითადი საჭიროება, რომელიც უნდა დაეფარა მომავალ იმპლემენტაციას:

• ახალ გადაწყვეტილებას უნდა უზრუნველყო პროგნოზირება აგრეგაციით კვირის დონეზე. ასეთი მიდგომა საშუალებას იძლევა უფრო ზუსტად გაითვალისწინოთ მოთხოვნის მოკლევადიანი ცვლილებები, როგორიცაა: სეზონური რყევები, ლოკალური მოვლენები და სხვა ფაქტორები, რომლებმაც შეიძლება მნიშვნელოვნად იმოქმედოს გაყიდვებზე კონკრეტული კვირის ჭრილში.
• მომხმარებლისთვის მნიშვნელოვანი იყო აგრეთვე პროდუქტის და საბოლოო ადგილმდებარეობის გრანულაცია. ვინაიდან, როგორც ზემოთ აღვნიშნეთ, ქსელის თითოეულ რესტორანს შეიძლება ჰქონდეს მოთხოვნის განსხვავებული დონე კონკრეტულ პროდუქტებზე. თითოეული რესტორნისა და ცალკეული პროდუქტის მოთხოვნის პროგნოზირება საშუალებას გვაძლევს გავითვალისწინოთ ეს განსხვავებები, რაც უზრუნველყოფს უფრო ზუსტ პროგნოზს და ხელს უწყობს ისეთი სიტუაციების თავიდან აცილებას, როდესაც ერთ რესტორანს აკლია პროდუქტი, ხოლო მეორეს ის ჭარბად აქვს. შედეგად, გრანულაცია ზრდის ინვენტარის მართვის ეფექტურობას და ამცირებს კომპანიის ხარჯებს.
• McDonald’s Georgia ეძებდა გადაწყვეტილებას, რომელიც მათ ცენტრალიზებულ პროგნოზირების სისტემაზე გადასვლის საშუალებას მისცემდა. ამ გზით, კომპანიას სურდა უზრუნველყო მონაცემებისა და პროგნოზების თანმიმდევრულობა რესტორნების მთელ ქსელში, რათა თავიდან აეცილებინა შეუსაბამობები და შეცდომები, რომლებიც წარმოიქმნებოდა ხელით პროგნოზირების დროს.

გაიგეთ მეტი

როგორ განხორციელდა SMART Demand Forecast-ის იმპლემენტაცია McDonald’s Georgia-თვის?

SMART Demand Forecast-ის იმპლემენტაცია McDonald’s Georgia-ის ბიზნეს პროცესებში სამ ეტაპად განხორციელდა: დიაგნოსტიკა, მოდელირება და იმპლემენტაცია.

• დიაგნოსტიკა
  პირველ რიგში, SMART business-ის ჯგუფმა დეტალურად გააანალიზა, თუ როგორ იყო ორგანიზებული მომხმარებლის ბიზნეს პროცესები. მომდევნო ეტაპზე განისაზღვრა მკაფიო ხედვა იმის შესახებ, თუ როგორ უნდა ემუშავა პროგნოზირებას McDonald’s Georgia-ში SMART Demand Forecast-ით. ამ ნაბიჯით SMART business-მა მომხმარებელს შესთავაზა თანამედროვე მიდგომა და ინსტრუმენტები ზუსტი პროგნოზების შესაქმნელად კომპანიის არსებული ბიზნეს პროცესების შეცვლის საჭიროების გარეშე.

შემდეგ, McDonald’s Georgia გუნდის მიერ შეიქმნა პროცესის დიაგრამა დეტალური ნაკადით, მომავალი ნაბიჯების მკაფიო ხედვისა და გეგმის შესაბამისად შემდგომი ქმედებების დაგეგმვის შესაძლებლობისთვის. გარდა ამისა, დაინიშნა როლები და პასუხისმგებელი პირები, განისაზღვრა ვადები და დადგინდა პრიორიტეტები. ყოველივე ეს უზრუნველყოფდა სტრუქტურირებულ მიდგომას ცვლილებების დანერგვისადმი და გარანტიას, რომ პროექტის ყველა მონაწილე კარგად იქნებოდა გარკვეული საკუთარ დავალებებსა და პასუხისმგებლობის სფეროებში. შესაბამისად იმპლემენტაცია პროდუქტიულად განხორციელდა.

დიაგნოსტიკის ეტაპზე დამკვეთის მიერ დამტკიცდა მონაცემთა ერთიანი სტრუქტურა, რომელიც უნდა გამოეყენებინა SMART Demand Forecast-ს მოთხოვნის პროგნოზის შესაქმნელად. მნიშვნელოვანია აღინიშნოს, რომ ML & AI ალგორითმებზე დაფუძნებული გადაწყვეტილებებისთვის, მონაცემთა ერთიანი სტრუქტურა განაპირობებს მოდელის ეფექტურ მუშაობასა და მაღალი პროგნოზის სიზუსტეს. SMART business პროექტის გუნდმა გააანალიზა მომხმარებლის ძირითადი ბიზნეს პროცესები და McDonald’s Georgia-თან მზა შაბლონით მივიდა. მომხმარებელს მხოლოდ საჭირო მონაცემების შეგროვება და ვენდორისთვის გადაცემა დაევალა.

გარდა ამისა, SMART business-მა შეიმუშავა ტექნიკური დოკუმენტაცია, რომელიც აღწერდა McDonald’s Georgia-ს მიერ გადაწყვეტილების დანერგვისა და გამოყენების ყველა ასპექტს.

მართლაც, SMART business-ის ჯგუფმა გააანალიზა და ხაზი გაუსვა პროგნოზზე გავლენის იმ წერტილებს, რომელთა შესახებაც კლიენტს შესაძლოა არ ჰქონოდა ინფორმაცია. ეს არის შრომატევადი და მრავალსაფეხურიანი პროცესი, რომელიც შედგება საფუძვლიანი აუდიტისა და დაკვირვებისგან, ძირითადი თანამშრომლების ბრიფინგისგან, მონაცემთა დიდი მოცულობის ანალიზისა და მანქანური სწავლების ალგორითმების გაუმჯობესებული მეთოდების გამოყენებით. გუნდი იყენებს მონაცემთა ვიზუალიზაციის ინსტრუმენტებს მიღებული შედეგების უფრო გამჭვირვალე გაგებისთვის. ამრიგად, დიაგნოსტიკის ეტაპზე შესაძლებელი გახდა McDonald’s Georgia-ს მრავალი ადგილობრივი გამოწვევის იდენტიფიცირება, რომელთა გათვალისწინებაც საჭირო იყო გადაწყვეტილების განხორციელებისას. გვინდა გამოვყოთ მათგან ყველაზე საინტერესო ერთეულები:

• ანომალიები – ეს არის უჩვეულო ან მოულოდნელი მწვერვალები ან ვარდნა გაყიდვებში, რომლებიც გამოირჩევა სტანდარტული მოდელებისგან. მაკდონალდსში ეს შეიძლება იყოს მშიერი ტურისტებით სავსე ავტობუსი, რომლებიც სტუმრობენ კონკრეტულ რესტორანს. ამ შემთხვევაში, ეს მოვლენა არ არის სისტემური და, შესაბამისად, არ იქნება გათვალისწინებული სტანდარტულ მონაცემებში და ეტიკეტირებული იქნება, როგორც ანომალია. SMART Demand Forecast განსაზღვრავს ასეთ გაუგებარ ცვლილებებს და ასუფთავებს მონაცემებს ისე, რომ მათ მონაწილეობა არ მიიღონ პროგნოზირებაში.
• ინდივიდუალური SKU-ების დამოკიდებულება სეზონურობაზე – მომხმარებელს აქვს მრავალი განსხვავებული პროდუქტის ელემენტი, რომელიც დამოკიდებულია კონკრეტულ სეზონზე. მაგალითად, McFlurry-ზე მოთხოვნა ჩვეულებრივ ზაფხულში იზრდება, როცა ცხელა. ამიტომ სისტემა ავტომატურად ითვალისწინებს სპეციალურ სეზონურ ფაქტორებსა და კოეფიციენტებს.
• მოთხოვნის პროგნოზირება სარეკლამო კამპანიების დროს დანერგილ ახალ პროდუქტებზე – სირთულე ის არის, რომ ახალ პროდუქტებს არ აქვთ ისტორიული გაყიდვების მონაცემები. SMART Demand Forecast იყენებს ინტეგრირებულ მიდგომას, რომელიც ითვალისწინებს მრავალ ფაქტორს, როგორიცაა მსგავსი პროდუქტები, გაყიდვების საერთო მოდელები, სეზონური ტენდენციები და სხვა ფაქტორები. ეს მიდგომა მნიშვნელოვნად განსხვავდება ტრადიციული პროგნოზირებისგან, რომელიც ხელით კეთდება და ხშირად შეზღუდულია მონაცემთა დიდი მოცულობის დამუშავების მიმართულებით. ავტომატიზებულმა გადაწყვეტილებამ შესაძლებელი გახადა მონაცემთა უფრო სწრაფი და ზუსტი დამუშავება, რაც უზრუნველყოფს ახალი პროდუქტების უფრო ზუსტ პროგნოზს.

მნიშვნელოვანია აღინიშნოს, რომ თუ მომხმარებელს აქვს არასტანდარტული მოთხოვნა, რომლის გათვალისწინებაც აუცილებელია პროგნოზებში, SMART Demand Forecast მხარს უჭერს მოთხოვნის ხელით პროგნოზირებას. ეს ფუნქცია საშუალებას გაძლევთ სწრაფად შეიყვანოთ დამატებითი განმარტებითი მონაცემები და ოპერატიულად მოახდინოთ რეაგირება ცვლილებებზე ბაზრის არასტაბილურობის პირობებში. ამავდროულად, მომხმარებლის მოთხოვნით ნებისმიერი კონკრეტული საჭიროების ავტომატიზაციის შესაძლებლობა განიხილება, როგორც სასურველი ფუნქცია მომვალისთვის.

დიაგნოსტიკის ბოლო ეტაპი იყო მომზადება შემდეგი ეტაპისთვის – მოდელირებაზე გადასასვლელად.

• მოდელირება
  McDonald’s Georgia ამ ეტაპის მთავარი ამოცანა იყო ხელოვნური ინტელექტის მოდელის მომზადება ისე, რომ მისი ალგორითმები მაქსიმალურად ზუსტად ყოფილიყო ორიენტირებული ბიზნესის საჭიროებებზე. იმის გამო, რომ მიდგომა “fit once = fit every time” არ მუშაობს სხვადასხვა კომპანიებისთვის, თუნდაც ერთი და იგივე ინდუსტრიიდან, SMART business გუნდმა McDonald’s Georgia-თვის პერსონალიზებული მოდელი შეიმუშავა:

რა სარგებელი მიიღო McDonald’s Georgia-მ SMART Demand Forecast-ის იმპლემენტაციით?

ძირითადი ფაქტორების იდენტიფიცირების შემდეგ, მოდელმა დაიწყო სტაბილური პროგნოზირების შედეგების გამომუშავება. ჩამოყალიბდა ფაქტორების ოპტიმალური რაოდენობა, რომლითაც McDonald’s Georgia-ს შეუძლია მიიღოს ყველაზე ზუსტი მაჩვენებლები მინიმალური რყევებით.

პროექტის წარმატება 70-დან 80%-მდე პროგნოზის სიზუსტის მიღწევით განისაზღვრა:

1. დაგეგმვის პერიოდის დაწყებიდან 4 კალენდარული კვირის ჰორიზონტზე,
2. ყოველი კალენდარული კვირისთვის,
3. ქსელის 21 დეკლარირებული რესტორნიდან თითოეულზე.

პროექტი 2023 წლის ოქტომბერში დაიწყო და სრულად 2024 წლის ივლისში განხორციელდა. იმპლემენტაციის წარმატება თვალსაჩინო უკვე საპილოტე პროექტის ეტაპზე გახდა. ის ზაფხულში დაიწყო, როცა ბევრი სხვადასხვა სეზონური ფაქტორი მოქმედებს და ზოგადად McDonald’s Georgia-ს ქსელის მოთხოვნა ყველაზე მეტად იზრდება.

შედეგად, შესაძლებელი გახდა შემდეგი მიზნობრივი ინდიკატორების მიღწევა, რომლებმაც მოლოდინს გადააჭარბეს:

• გაყიდვების პროგნოზირების 83% სიზუსტე თითოეული რესტორნისთვის, ყოველკვირეული მონაცემების აგრეგაციის საფუძველზე 4 კვირის განმავლობაში.
• გაყიდვების პროგნოზირების 80% სიზუსტე თითოეული რესტორნისთვის, ყოველკვირეული მონაცემების აგრეგაციის საფუძველზე 12 კვირის განმავლობაში.
• საშუალოდ 5%-მდე გადახრა პროგნოზის შესრულებისგან, რაც გლობალურ ბიზნეს საზოგადოებაში ნორმად ითვლება.

მაგრამ ასეთი მაღალი მაჩვენებლებიც კი არ არის პროგნოზირების გაუმჯობესების საზღვარი. McDonald’s Georgia SMART business-თან ერთად აპირებს განაგრძოს SMART Demand Forecast-ის ფუნქციონალის განვითარება, რომელიც მოიცავს მრავალი არხის პროგნოზირებას.

SMART business-ის მისიაა, დაეხმაროს მეწარმეებს, გახადონ მომავალი უფრო გასაგები და გამჭვირვალე, რათა შეამცირონ რისკები და იყვნენ მზად ნებისმიერი გამოწვევისთვის. კომპანია ამაყობს იმით, რომ წვლილი შეაქვს თავისი მომხმარებლების წარმატებაში მთელი მსოფლიოს მასშტაბით და აძლევს მათ შანსს მიაღწიონ დასახულ მიზნებს.